තොරතුරු හා මාධ්‍ය ඒකකය මඟින් 1998 අංක 50 දරන ජාතික ළමා ආරක්ෂක අධිකාරිය පනතේ 14 වගන්ති (ඈ) වගන්තිය ප්‍රකාරව අපචාර වලින් ආරක්ෂා කරනු ලැබීමට ළමුන් සතු අයිතිවාසිකම් පිළිබඳව සහ ළමා අපචාර වැලැක්වීමේ ක්‍රම පිළිබඳව දැනුවත් කිරීම, 14 (ජ) වගන්ති ප්‍රකාරව ළමයින්ගේ සුරක්ෂිතභාවය සහ ළමුන්ගේ අයිතීන් ආරක්ෂා කිරීම සම්බන්ධයෙන් ජනතාවට තොරතුරු සැපයීම සහ අධ්‍යාපනය ලබාදීම,14 (ඩ) වගන්ති ප්‍රකාරව ළමා අපචාර පිළිබඳව වැඩමුළු, සම්මන්ත්‍රණ සහ සාකච්ඡා සංවිධානය කිරීම හා ඒ සඳහා පහසුකම් සැපයීම යන වගන්තින් බලාත්මක කිරීම සඳහා කටයුතු සිදු කරයි.
ඒ අනුව මාධ්‍ය සහ තොරතුරු ඒකකය පහත සඳහන් කාර්යයන් සහ වැඩසටහන් පාසල් ග්‍රාමීය, ප්‍රාදේශීය, දිස්ත්‍රික් සහ ජාතික මට්ටමින් ක්‍රියාත්මක කරනු ලබයි. එහිදී මෙම කාර්යයන් සඳහා වැඩසටහන් දිස්ත්‍රික් ලේකම් කාර්යාලයේ සේවයේ නියුතු ළමා ආරක්ෂක නිලධාරී (District Child Protection officer - DCPO) දිස්ත්‍රික් මනෝ සමාජීය නිලධාරී (District Psychosocial Officer - DSPO) හා ප්‍රාදේශීය ලේකම් කාර්යාලයේ සේවයේ නියුතු ප්‍රාදේශීය ළමා ආරක්ෂක නිලධාරී (Divisional Child Protection officer - DCPO) විසින් සිදුකෙරේ.
